［媽媽寫］今個月運動會，除左每日練跑步之外，仲要畫運動T Shirt，比賽戰衣。
其他同學同父母早在8月已經畫了。老師告訴Mia 明天一定要帶回去，所以今日一定要開始及完成！
首先叫Mia畫左草稿，看看她想要什麼題材（早幾日畫了）。點知真係好「草」。要畫人、橙、心心。
所以我畫了草稿2號。得到當事人首肯便上馬了。
當事人亦堅持要用水彩上色，令媽媽有一些緊，很久沒有接觸，但都沒有辦法，只好照做。
伸延閱讀: 2020日本移居攻略 番外篇：常見問題Q&A (簽證代辨不會告訴你的事情(不停更新):https://www.oki-family.com/2019migration04/
誰知道，完成正面媽媽便決定放棄！因為實在太過花時間！我就話不如後面用蠟筆算了。然後不要畫太多生果了（本來預備畫蘋果、橙和啤梨），叫Mia 重新再想，她要求一個….. 桃！但係要我畫。。。
着上身的效果…. 幾好笑!
*食完飯，想呀想呀, 覺得個桃很單調，所以上了顏色，靚哂！（←自己講）(自己満足中)
禮拜日運動會，天公造美。以為颱風，可能延遲一個禮拜，好彩只灑了2-3次雨，之後就出太陽了！
同小學部一齊的運動會，幼稚園同學要好努力！除左當日比賽跑步、拋波、整大型氣球（如圖。佢地叫Balloon，用彩虹布、合力齊心mount向個地）、跳舞之外，幼稚園在開始前2-3個禮拜，好天的日子日日練跑。到最後一個禮拜，連續3日都彩排；彩排的幾日，日日練耐力（熱也要座著等自己出場），幼稚園兒不例外。
唔怪之得，其他媽告訴我，每一個家長也不想延期，因為這些練習彩排日子！每一個小朋友都好辛苦。因為彩排時基本上不可以走來走去（因為咁會令其他人分心 ），有個同學仔忍尿忍到膀胱炎！因為唔想出聲話要去廁所，影響其他同學！
當日合唱校歌、運動會歌、宣誓—話「竭盡所能」，叫口號。小學生代表叫「絆(きずな)」時，我望下Mia，佢居然好認真的跟著叫「きずな！」我心想，你知きずな的意思嗎？笑死我??（即係bonding咁解；喺呢個學校環境，中文意思係「友情」。）完全係一個大型活動！！
伸延閱讀: 2020 我們的經歷日本移居攻略 永住權https://www.oki-family.com/2019immigration03/
開始同其他媽媽熟絡，中場繼續閑聊打發時間。小朋友便沒有那麼幸運。大部份時間也是坐著呆等出場。
此學校運動會特點：
1）跑步沒有分1、2、3名！每一個也有獎品獎牌！小學低年級的都是。其實—即係一堂體育堂。。。
2）其實係一場表演，要預演2大次，2-3小次。（坦白講，香港的運動會，那會給家長參與？小學一定沒有！）
3）其實係一日親朋戚友家人野餐之日！（全部人等預早2天霸・位・坐！）全間學校四周邊鋪滿地墊，好似霸位睇煙花、睇櫻花。又或者燒烤場霸位。
對我地來說，係幾新鮮。中場有一個鐘下場時間，我去其中一個家長屋企喝咖啡。哈哈哈。
幼稚園的家長都好好（原來?）。起碼沒有虎爸虎媽！
*粉紅箭嘴：指著Mia
?我們Oki-Family 有一個沖繩互動地圖，清楚顯示我們所介紹過的沖繩餐廳活動。一目了然：https://www.oki-family.com/map?
