沖繩人揸車的特有文化 – 下

試過在沖繩自駕遊嘅人都知道沖繩用GPS 或Google Map 偏差頗大。如果你打電號碼入去GPS,GPS未更新,是會顯示找不到目的地,但會帶你去附近區域。沖繩因為發展過於迅速,電話區號不夠,可能發放離商店地址很遠的區號給商店。其中一個例子,有一間商店實則在名護市西面,GPS 卻顯示在東面。相隔30公里。所以建議除咗著名旅遊景點,大家最好用唔不同方法確認地址。不要盡信其中一個方法。(google map 算是最準確)

無論大路小路,沖繩人喜歡停就停。完全唔會理後面,亦都唔理阻唔阻人。有幾次爭啲炒埋佢。有陣時見到佢哋泊車嘅位置,簡直係匪夷所思。 但係其實如果冇人投訴,警察就唔會點捉違例泊車。最過分嘅一次,今年年頭競選期間,有一個候選人,停低架車,在車熱烈和路人揮手。但是她泊車的位置,是一段非常繁忙的HWY330. 原本兩條行車線已經不敷使用,她霸了其中一條行車線。令到下班時間,塞上加塞!XYZ$&%*{#>¥€!

最後,要好小心電單車。沖繩嘅電單車危險過香港好多。除咗秉承左上面嘅一切習慣外,仲會不停左穿右插。轉缐嘅時候唔會睇。沖繩非常之多電單車意外,政府亦都非常之重視。耐何意外仍一年比一年多….

一次過呻左咁多野,又唔係全部都係差。其實佢哋好禮讓,成日俾行錯線嘅人打尖,冇乜怨言。
日本人整體亦不喜歡響喇叭。試過有幾次,前邊司機掛住看手機,轉了綠燈也不去。完全沒有人催他,甚至綠燈轉回紅燈,那一次我真是凸了眼。之後亦有類似經驗,只不過我是那一個掛住看手機的司機….:(;゙゚’ω゚’):

P.S. 同加拿大唔同,紅.燈.嘅時候係.唔.可.以.唔.可.以.轉.左!到綠燈可以轉左嘅時候,通常都係行人過馬路時候,所以大家要睇清楚。

Image may contain: text
Image may contain: outdoor
Image may contain: outdoor

上篇:https://www.facebook.com/okiokifamily/posts/597813323736685

Leave a Reply

Your email address will not be published. Required fields are marked *