各位在沖繩自駕遊，首先你一定要—–唔好心急！
如果你心急，一定會揸得好辛苦！(爸爸很心急…)
以下有一兩樣嘢要特別小心！
這篇可能會令一些人不爽。我只是帶出，我們香港人，本島人也是外來人。沖繩也開始很多受外界熏陶的沖繩人。沖繩人本身較悠閑，新一代土生土長的沖繩人也正在急速改變中。我們看的東西，難免會有文化衝突。
日本自駕遊—相信大部份人都覺得日本係非常之安全同守交通規則。
相比香港，當然禮讓好多。但係佢哋嘅駕駛反應，未必有香港咁成熟。以我哋經驗，大部份日本地方都係非常之守規則。除咗一處地方，就係沖繩。有啲情況佢哋會好守秩序，例如十字路口，便利店出入囗，多數人都預留空位，讓其他車輛進出。插缐後和出車後，時常會打死火燈以示謝意。但係有陣時佢哋預留空位太多，阻塞後面其他十字路口，佢哋又唔會理，有陣時真係揸到火都黎！有陣時紅綠燈轉唔到右，就係比嗰啲車頂住！幾年前開始（正式幾時實行我都唔記得），法例規定，前座唔可以裝電視，但係可以駁天缐！呢條法例有幾多個人依？
第一樣要注意嘅，見到紅燈轉綠燈，千祈唔好馬上踩油行！最好預留起碼一兩秒！因為好多時候，對面線的本地人係會衝．紅．燈！佢哋轉彎又好直行又好，啱啱轉紅燈嘅時候，佢哋都會衝過去。因為日本嘅紅綠燈真係等到天荒地老，大路小路等嘅時間成日一樣…..如果佢哋可以改進佢哋嘅紅綠燈系統，相信會少好多塞車！ （香港嘅紅綠系統真係要讚一讚！）
另外一樣嘢就係轉線。本地人揸車多數好禮讓，打了轉線燈，隔離線後面啲車就會自動讓出空位。（香港隔離線啲車就會行得更貼，驚死洩底，就係唔讓你出！）。小路出大路，大路好多車會自動慢落嚟讓。但因為咁會出現好多問題。好多車一打燈，唔會再留意後邊，直接轉線；小路出大路，在路口稍為停一停，即刻標出來！因為佢哋慣咗俾人讓，所以唔會再double check。 (相反有啲太過謹慎，睇完再睇睇完再睇睇完再睇，呢一世都出唔到）。很多司機亦都會連續轉幾條線，你在第三條線，見到他人在第一條轉線，咪以為唔關你事，佢哋隨時一下轉去第三條線！
有陣時你見到啲車仔，轉左線但係冇踩油加速。比少少耐性，其實佢架車仔已經行得好辛苦，我自己都係架車仔，轉左線之後，踩盡油，架車仔會以每10秒1公里來加速。請多多包涵。
寫得好長，過兩日寫埋另外一半。（我老婆話睇到合晒眼瞓）。
伸延閱讀: 2020日本移居攻略 番外篇：常見問題Q&A (簽證代辨不會告訴你的事情(不停更新):https://www.oki-family.com/2019migration04/
伸延閱讀:2020 日本（沖繩）買房子攻略第一篇： 看房子及注意事項: https://www.oki-family.com/日本買樓第一篇注意事項/
移居沖繩影片｜移居沖繩和日本的香港人訪問影片：
