搵幼稚園嘅時候，一直主要都係考慮語言問題。不停在國際學校，本地學校之間掙扎。
之間的互動！不知道從什麼時候開始，大部份香港小孩的世
界只有功課和溫習！
2016年七月，當時匯率是100円：7.6HKD
伸延閱讀: 2020 我們的經歷日本移居攻略 永住權https://www.oki-family.com/2019immigration03/
搵幼稚園嘅時候，一直主要都係考慮語言問題。不停在國際學校，本地學校之間掙扎。
相信大家略有所聞，日本嘅公立學校其實壓力都唔細。幼稚園，小學初初幾年是好開心 學校教學方針，首先教育小朋友合群生活，如何自理，才開始專注學術教育。但是到了初中，學校便成為另一個世界，教育沒有那麼自由，開始像香港，不要問，只要記。（和本島相比，沖繩已經算很自由。最容易看見的分別，是沖繩很少補習社。）所以我們一路不排除，Mia 中學會去加拿大讀書的打算。但是如果Mia 跟其他本地學生一樣上日本公校，中學時再移去加拿大，英文溝通可能很吃力。這就是我們掙扎原因。我跟老婆已經決定，中學的時候，由Mia自己決定去向。我們會分析好與壞，由她自己去想。可能到時候，她想自己生活，去加拿大讀寄宿學校（到時，我哋可能好開心，甩難啦＼(^ω^)／！
或是非常不捨得( ﾟдﾟ)！）
當我們非常苦惱的時候，有一朋友提出他的觀點，為我們打開另一個天空。
「朋友！」
如果讀我地心儀的美國國際學校，她的同學大部份會是美軍的子女，美軍每兩三年便會調走，換言之她的好朋友可能每兩三年便離開！咁樣好大鑊！我自己經歷過，一啲都唔好受！
另外，由於我地已經好鍾意沖繩嘅生活，所以Mia融入日本社會也很重要。
伸延閱讀: 2020日本移居攻略 番外篇：常見問題Q&A (簽證代辨不會告訴你的事情(不停更新):https://www.oki-family.com/2019migration04/
所以我們很快便選定並專注於本地學校。
因為幼稚園不是必讀，所以幼稚園是沒有分區。我們去到市政廳查詢，他們告訴我們心儀的幼稚園已經満，附近只有一間幼稚園有位。但是有人告訴我們，這一學校的小學生比較跩，所以我們聽到這所幼稚園有學位，是有些躊躇！但是附近選擇不多，所以便硬着頭皮打電話去問，之後到校舍參觀。見到幼稚園學生，他們很有活力，見到教師，非常之和藹可親！咁就放心俾佢入讀！網上留言，很少人提及，但是有提及的，大部份是正面！（唔好俾日劇中嘅幼稚園老師印象呃左，佢哋只係普．通．女．人一個！唔好存在幻想！）
之後聽其他媽媽提起，他們子女入讀前，亦想去我地的目標幼稚園，但有媽媽入讀前打電話到這間次選幼稚園查詢時，聽到那位訓導主任的聲音，馬上改變觀念，讓子女入讀！（她是一個很認真、很和藹可親的老師。可是她只是政府員工，每三幾年便要調學校….. 有些可惜~）
日本有些幼稚園非常貼心，為了吸引小朋友上校車，他們會把校車外形設計成不同主題，不是單純上色，是在外彀上作出改變！貓巴士，汪汪巴士，當然有凸出的耳朵及尾巴。火車，你會看到煙囟！不能不佩服！如果大家有興趣睇多啲，可以search: 沖縄幼稚園バス
（注：私立幼稚園才有）
幼稚園開學日其實在4月，跟香港不同。
我地查詢時已經8月尾，因為每個月付款，所以決定一個禮拜後的9月1日為Mia開學日，變相同香港一樣，哈哈。開學前準備，搞到媽媽頭都大晒！爸爸唔識日文，sorry 幫不上忙～（https://www.facebook.com/okiokifamily/posts/550525381798813）公立幼稚園的價錢，是跟你的薪金掛鉤。由免費至三万多円一個月不等。
第一日放學之後，Mia好唔開心，因為佢是第一次在全日文環境中逗留幾小時。第二日話唔想返學。作為父母非常心痛。但係都要踢佢返學。第二日放學，已經回復正常，跳跳紮，開心果，和同學溝通冇問題！第三日，有個同學嘅媽咪同我地講，你個囡同我個囡講好多日文，好犀利！小朋友真係曱甴咁～非常粗生！
依家佢哋兩個係最好朋友。但係原來爸爸是調職族(日文係転勤族)，即是每幾年調一次職去其他地區返工的族群。所以即使讀本地學校，佢嘅好朋友，都係有機會生離～唉，整定嘅！
如事者過了個幾月….
有一日，有人同我地講，下個星期放假！因為呢兩日第一學期完結。吓？乜咁突然嘅！原來Mia 將啲通告收埋晒，亂咁放……
悲喜交集！我唔使再每日朝頭早為佢煮午餐，唔使一早剷佢起身（亦都唔需要比老婆剷我起身），但係下晝做乜…. 最後渾渾噩噩咁過左一個星期，去吓沙灘，去下公園，同啲同學仔去野餐，咁又要再返學。
之後幾時放假？…..未睇時間表，煮到埋嚟就食囉！
途中，Mia已經日日話「好想返學呀！」
返學可以見到同學仔對Mia黎講好開心。
Mia 佢哋每個星期都要輪流打掃操場，每日都要返學校抹地（好似阿信的故事嗰隻，雙手禁實塊地布，pat pat向上，衝啊！)，自己種咗植物，自己打理。佢哋嗰組種咗國民蔬菜-大根！收成之後，會大家一同切，煮，咖哩飯！
話說九月第三禮拜尾是運動會。舉辦之前的2-3個禮拜，小朋友要每日出操場練習,日曬雨淋。每日放學返嚟，攰到想死咁嘅樣，我哋都有D心噏。點知突然學校話颱風，可能要延期！但大部份家長，都求神拜佛唔好延期！因為佢哋D 仔女返屋企後個個都想死！係老豆老母頂唔順啦！快啲搞掂佢算數！好彩～大步攬過，如常舉行！運動會之後個一個星期，各位小朋友完全復活！
P.S. 可能有人會問，為何不直接回加拿大。好簡單，因為我們喜歡日本，生活壓力比較小！亦想Mia 感受不同的地方，在不同地方成長。可以每個地方住幾年，是我兒時夢想。但是是否最好，我不敢肯定。到她上中學的時候，可以自己決定。但是我們兩老，希望繼續在日本生活，我可以繼續日日潛水！媽媽要快啲考牌! 我好羨慕buddies 兩公婆一齊落水～
伸延閱讀:2020 日本（沖繩）買房子攻略第一篇： 看房子及注意事項: https://www.oki-family.com/日本買樓第一篇注意事項/
移居沖繩影片｜日本國際學校校長訪問，廣東話配音：
伸延閱讀 :2020 沖繩移居指南 (不定期更新)
