呢兩日放假，同阿女玩左兩日。在沖繩，去動物園會揀公眾假期或者星期六日。因為平時真係冇乜人去,入到去鬼城咁。假期就好熱鬧，但係又唔會太迫。
今日我地去咗沖繩兒童王國動物園, 入場費好平。大人入場費500円，小朋友100円。（小學生200円）。呢個動物園同福岡果個好似，可能因為都係縣立，而沖繩好多嘢都係九州管理。
伸延閱讀:2020 國際通橫丁国際通りのれん街 ー沖繩國際通的新飲食地標 https://www.oki-family.com/國際通橫丁/
一入到去有架退役直升機，各位大小朋都排隊上（包括我，第一次＂坐＂直升機！）。 隔離有排柱，每個小朋友都會自動去爬，包括我家隻豬仔。到沖繩後，Mia攀爬技術進步神速，自問我4歲時亦未必有佢宜家嘅技術！其他有例牌動物，如長頸鹿、象、袋鼠等等。亦有各小朋友最愛的摸摸動物園（D兔仔食到唔肯再食！）。亦有騎馬（¥500，只限星期六日及公眾假期）。
今日最開心嘅係居然動物園有間由阿嬸主埋嘅餐廳，¥980/人（稅前），用本地食材。好殘舊，但居然好好食，可能因為新鮮！但係今日多人到，佢地應付唔到，所有食物架長期吉碟…..好少遇到。但入門口時已經講咗比我地聽。我地遲D一定再返來，因為有D嘢未行，兒童館（免費）和 Wonder Museum, 好似科學館，賣點係感觀體驗。我地會再返來！
P.S. 玩完一日之後，當我們去電器店，Mia 就自動去佢嘅皇坐做 massage…. 次次都係咁！自己識開！
URL:
https://www.okzm.jp/
Mapcode: 33 561 712*52
如果主要是為了騎馬，可在恩納村騎
伸延閱讀:一個集合沖繩阿古豬，海灘，滑梯，水上活動(SUP, 獨木舟), 和打卡絕景的隱世公園:https://www.oki-family.com/toguchi/
