沖繩潛水工作初印象

倉鼠,俾人發現太貪心,太多配重落水…..

做咗潛水DMT (Dive Master Trainee) 幾個月(全冇人工,打工換DM 牌), 接觸左好多唔同嘅客人。好好彩,因為我地店舖走Quality路線,九成九成九客人系高質素客人。有禮貌不再講,亦都好體諒我地。唔同地方嚟嘅客人,都各有特色。

中國客:來沖繩之前,教練同我講,中國客質素好高,我打死都唔信,因為見盡香港啲強國人。但係做落之後,發覺如果由大城市(北京,上海,天津等)來自由行,佢地非常之有教養,遵守規則,唔喧嘩大叫,好客氣,非常爽快!一齊食飯,即使AA,佢哋多數會叫多啲,一同分享。之不過,如果帶埋小朋友來(有時帶同老人家),小朋友通常被縦壞。即使父母好有修養,小孩子通常冇禮貌及顯示出佢地先至係一家之主,喝罵長輩。可能因為一孩政策,父母忙,拜托老人家照顧,老人家通常放縦。

台灣:可能近幾年經濟唔係太好,佢地對金錢最敏感。佢哋通常會要求折扣,飲飲食食都吝嗇。如果情侶,通常女嘅比較嬌嗲,例如話怕水,gear 綁住心口唔舒服等等。男嘅從旁安慰。水面如果女既有任何恐懼,佢哋會馬挺身而出馬上安撫!唔需要我哋出手。但我地做法成本高(唔會夾團,只會招待你及你朋友),導致比其他店貴,台灣客人唔算好多。

到香港喇!因為我係香港人,所以其實覺得冇乜特別,多數意料中客人。有家庭客,又有情侶客人。揀我哋嘅,好多時係因為想要private tour 和同聲同氣。可能因大家都香港人,好多玩得好盡,水底水面都好好玩,亦都係最嘈….. 見過三父女,大女12歲,到嗰陣時已經考左潛水牌。細女11歲,因為老豆想考牌,威逼利誘個細女同佢一齊考。如果男女一齊來,(情侶或者夫妻)女性緊張,香港男生通唔識處理。最驚喜系香港人最肯比小費!有一個兩日潛水團,我地每人收¥4000以上小費!而且佢哋系外出潛慣,不用我地太多幫忙。

總括來講,暫時見到最好嘅客人,系中國內地大城市嘅客人!最差嘅客人,亦系中國客,好彩暫時只係見過一次,已經足夠印象深刻!

Image may contain: ocean, sky, cloud, outdoor, nature and water
Image may contain: ocean, sky, water, outdoor and nature
Image may contain: one or more people, ocean, sky, cloud, outdoor, water and nature
Image may contain: outdoor, nature and water

Leave a Reply

Your email address will not be published. Required fields are marked *