沖繩 幼稚園

Image may contain: 1 person, standing, child and outdoor
Image may contain: 6 people, table

唔係淨係香港,原來沖繩較人氣的公立幼稚園都要抽獎。而且係校區內的都有機會要(但係小學就唔使抽,一定入)。但好好彩,下年4月開學的5歲班,唔洗抽獎都可以入讀,真係開心哂!最開心可能係婆婆,因為呢間唔洗行樓梯,佢自己一個人可以步行去接送了!當然Mia已經問左婆婆叫佢接送。

唔知大家知唔知,日本嘅新學年由4月開始,所以Mia係中途入學。本來係好想去屬於我地住嘅小學校區果間附屬幼稚園,但係佢超人氣,人地舊年11月報名、抽獎後入唔到的大把人waiting,所以宜家先去排隊係一定哂氣的。私立都有,但我地目的係想Mia真正融入日本社會、學好日文、交D朋友仔,所以我地覺得附近另一校區的公立小學附屬幼稚園已經好夠。諗住下年4月,5歲班先入自己第一志願那間都未遲。

*住址決定你讀邊間小學。冇・得・揀!黎沖繩之前有同呢度嘅朋友傾d小學評價,已經鎖定某間評價好的小學,所以我係特登搵屬於呢個校區的地址而決定住呢度的!用心良苦呀!但幼稚園唔係強制性,所以地址冇得優先。。。

返返去幼稚園個話題:
呢間雖然唔係首選、次選都唔係。坦白講,真係得佢有空位所以先去讀。但係今日見到嘅老師好令我感動,令我覺得佢會係一間好好嘅幼稚園。
佢話舊年有個中國小朋友,完全唔識日文,入讀4歲班,第一個月日日喊。老師用電腦翻譯,然後㩒聲比小朋友聽,咁樣同佢溝通,之後用身體語言。我覺得老師好有心、冇歧視(令你感到有D人真係冇歧視concept的!),真係好感動又好放心。我完全唔洗驚Mia會比人蝦。果位小朋友今年已轉學,但父母有同佢返過黎喎。我諗果對父母應該都幾感謝老師嘅努力。小朋友宜家5歲已經識用日文溝通冇問題。
今日暑假喺學校出現嘅小朋友(父母工作,托兒在幼稚園),個個都好乖有禮貌。
好期待Mia黎緊嘅時間嘅轉變。
9月份有運動會,好想快d參與!

Mia第一日返沖繩本地幼稚園,真係好興奮!
但係好興奮嘅同時,我亦好多野做:準備返學用品!!!
其實有D似返工做野咁:佢本「入園指南」成10頁,版版都好多資料。今日係預備最後一步:名字標籤。
我首先要一路睇一路take notes,同時分類:邊D用布製標籤(燙上去),邊D用紙的(貼上去)。唔係有個表比你按住安排,而係一大段文字,要你自己整個list有咩需要帶、買、加工。連燙標籤我今日用左2.5小時!!!
有一部分都幾enjoy嘅。最唔鍾意係燙標籤喺襪上!
Mia好努力咁填顏色上借圖書卡。

聽日返8.00-8.15am,比平時早差不多2個鐘。所以今日我地全家戒備狀態,安排早D食飯,目的係令Mia 9點前一定要瞓著!
目標達到:9點正瞓著了!!
*圖中套木顏色係我自己小學時用(剩)的,宜家個女用!!

Image may contain: 1 person, sitting
媽媽燙名字標籤,Mia填顏色。套木顏色係我自己小學時用(剩)的,宜家個女用!!
Image may contain: shoes
名字標籤

返學喇!好快拜拜我地,Daddy唔捨得。
走廊上頭都不回!Mia一定係好期待今日。
媽媽都超開心!
*學校入門第一樣做嘅係,換上「上履き」–即室內專用的鞋–然後擺好出街鞋喺自己果隔。

Image may contain: 2 people, people smiling, people standing and outdoor
Image may contain: one or more people
學校入門第一樣做嘅係,換上「上履き」–即室內專用的鞋–然後擺好出街鞋喺自己果隔。
Image may contain: one or more people and indoor
頭都不回!一定係好期待。

媽媽仍然是每天睡3-5小時,爸爸每天下水很累所以很久沒寫過什麼了,但—-我們家Mia昨天開學,開始新的幼稚園生活,所以怎樣都要留一下記錄。
今年進入了跟小學相連、同一校園接受0-12歲學童的本地學校。如果不搬家的話,下年就會在這裡上小學。
希望Mia開開心心、交些好朋友。
對父母來說,最開心莫過於—學校有「給食」,不用每天煩惱明天讓Mia帶什麼飯回校吃了!?爸爸媽媽好開心!!
*有沒有留意:當大家都穿黑色衣服的同時,Mia說要穿 粉・紅 ・色!拍照還要擺pose!

後記: 返學前和返學後, 只差一天…..

完整內容可以閱讀Facebook:

Mia 幼稚園三年級開學

Mia幼稚園茶道

學校的Mia寄存服務

幼稚園溫馨嘅一幕

沖繩較人氣的公立幼稚園也要抽獎

幼兒園- 返學喇!

幼兒園- 準備返學用品

沖繩幼兒園-入學申請

Leave a Reply

Your email address will not be published. Required fields are marked *