任何人都可以去的美國基地- 真正跳蚤市場

今次講”shopping”. 來過沖繩嘅人都知道,沖繩可以洗費好抵,因為基本上係冇嘢買 {(-_-)} . 除咗一類產品,二手物品!沖繩嘅二手店成行成市,由衣物到大型家庭用品,店舖裝飾,洗衣機雪櫃全部都有!主要原因同本身沖繩嘅地理環境有關。好多人調職離開沖繩,佢哋唔會好似本島調職咁,一車車咁運家當到新城市。佢哋傾向叫二手店幫佢哋清空間屋,孑然一身好型咁返本島!(其實俾人調來沖繩,某程度上係降職,因為要發展,一定係大阪東京這些大城市!)當你搬走嘅時候, 無論係租定係賣,間屋都要係空屋。甚至乎你自己加錢安裝嘅冷氣,地產經紀好多時會要求你拆走!而處理"垃圾",在日本一啲都唔平,例如扔一個雪櫃要幾千円,扔一張枱又要幾千円。因為有咁嘅市場需求,二手店好多時會收客人錢搬走舊家當,再翻新攞啲家當去買。即係賺兩邊錢!(沖繩南部其實好多dump site, 垃圾堆積場。沖繩本身建築用好多珊瑚石,佢哋會用垃圾填番個坑。)

沖繩有兩大二手店, #2nd Street 同 #マンガ倉庫. 旅遊書成日介紹,我唔再多講。我想介紹嘅,係美軍嘅跳蚤市場。唔好誤會,唔係美國村Hamby Town 嗰個垃圾夜市。我講緊嘅系真正跳蚤市場,每個星期六日都會有,設置於唔同美軍基地. 通常係早上或者中午,詳情時間地點,可以睇佢哋網站(https://www.mccsokinawa.com/fleamarket/)。任何人都可以進入!
美軍成日要調職,這些跳蚤市場,主要方便佢哋變賣用品,慢慢亦都成為佢哋一班朋友聚集嘅地方。幾個家庭一齊擺檔,係玩多過做生意。所以價錢可以好平,收檔嘅時候好多時係~免費送!你哋可以喺呢度搵到好多美國用品,例如玩具,餐具,BB車,潛水用品(但係好搶手!),大人細路衣物,家庭用品等。而原則上,在這跳蚤市場擺檔係唔可以出售新物品。

如果真係諗住去買嘢,最好就係第一輪,因為遲了會俾人揀晒。第二日嘅規模會比第一日小。最受歡迎嘅地方就係近美國村嘅Camp Foster. 通常正式開門之前一個鐘頭已經開始排隊入場。泊車就泊附近嘅地方好了。

跳蚤市場的日期和地點: https://www.mccsokinawa.com/fleamarket/

圖像裡可能有一或多人、大家在走路、大家站著、人群和戶外
圖像裡可能有鞋子和戶外
圖像裡可能有一或多人和戶外
圖像裡可能有一或多人、鞋子和戶外
圖像裡可能有鞋子
圖像裡可能有表格、食物和戶外
圖像裡可能有一或多人、雲、天空和戶外
圖像裡可能有一或多人和戶外
圖像裡可能有一或多人、雲、天空、戶外和大自然
未提供相片說明。
圖像裡可能有一或多人、鞋子和人群

Leave a Reply

Your email address will not be published. Required fields are marked *